حبيتها بعد ما كسرتني الدنيا.. بس خايف أقول لها

 شاب بعتلي مشكلته وبيقول:

السلام عليكم

انا بحب واحدة اتعرفت عليها عن طريق الشغل وكده

انا كنت متجوز قبل كده ومعايا بنت، وهي لسه آنسة

اتكلمت معاها وبصراحة حبتها

مش عارف هي بتحبني أو لأ، بس انا أكبر منها بكتير

بصراحة انا خايف أقول لها “أنا بحبك” وتبعد عني

انا بحب أتكلم معاها وببقى مبسوط وأنا معاها

حاجات معرفتش أحس بيها مع اللي كانت مراتي

مش عارف أقول لها ولا لأ

ولو قلت، أكيد هي وأهلها هيعترضوا على فرق السن

وعلى إني كنت متجوز قبل كده

يعني هخسر في الآخر إنها هتبعد عني

أعمل إيه؟ أسيبها ومقولش حاجه؟ بس أنا عايزها

ومش عارف أعمل إيه

رد بحر الأسرار:

القلب لما يدق بعد وجع، بيكون أصدق من ألف حب.

بس مش كل دقة لازم توصل، أوقات لازم نسأل نفسنا: اللي بنحبه ده حلم؟ ولا ممكن يبقى واقع؟

حل المشكلة:

1. أول خطوة، اسأل نفسك: هي بتحس بإيه؟ هل في تجاوب؟ ولا هي شايفة العلاقة دي حدودها الشغل وبس؟
2. فرق السن والماضي مش عيب، لكن مهم يكون فيه وعي وقبول من الطرف التاني.
3. ما تتكلمش عن مشاعرك قبل ما تحس إنها فعلاً قريبة ومستعدة تسمعك، مش شرط تحبك، بس على الأقل تكون مرتاحة ومهتمة.
4. لو حبيت تصارحها، خلي الكلام بسيط وصادق، وبدون ضغط عليها.
5. لو حسيت إنها مش على نفس الموجة، انسحب بهدوء وبكرامة… لإن الحب الحقيقي بيبان من النظرة والمعاملة مش من الكلام بس.
6. ولو في أمل، خليك صبور، وخلي أفعالك تسبق كلامك، البنات بتحس وبتفهم.

دعاء:

اللهم ارزق كل قلبٍ صادق بمن يفهمه ويرحمه ويقدّره، ولا تعلق قلوبنا بما لا خير لنا فيه، واختر لنا ولا تخيرنا، فإنا لا نحسن الاختيار