قلبي مع راجل مش جوزي… ومش قادرة أخرج منه!

 أنا واحدة ست متجوزة وعندي طفلين…

بس من أول الجواز وأنا مش حابة جوزي، هو طيب وغلبان، بس عمره ما كان بيغير عليا، عمره ما حسسني إن ليّا قيمة، وجودي معاه شبه العدم.

طلبت الطلاق كذا مرة، وكنت مستعدة أتنازل عن كل حاجة بس الأولاد يفضلوا معايا، وهو يشوفهم وقت ما يحب…

بس هو رافض، ومش فارق معاه وجعي، ولا تعب قلبي.

المشكلة؟

أنا بحب واحد تاني…

واحد كنت أعرفه من زمان قبل الجواز، ولسه بحبه لحد دلوقتي…

وهو كمان بيحبني، رغم إنه متجوز ومخلف!

أنا حاسة إني تايهة، وقلبي مش مع الراجل اللي باسمه مراتي، ولا عارفة أعيش كده، ولا أرجع لورا.

اعمل إيه؟

رد | بحر الأسرار:

بصي يا بنتي، أنا مش هأجلدك، ولا هأقولك “عيب” وخلاص…

بس هقولك الحقيقة:

الحب اللي مش في الحلال، مهما كان شكله حلو، هيفضل وجع في ضميرك، وذنب في قلبك، وكسر في بيتك.

جوزك يمكن ما بيحبكيش بالطريقة اللي بتحبيها، بس ده مش مبرر تبني على خراب غيرك… لا بيتك ولا بيت الراجل التاني.

الطلاق لو كان خلاص هو الحل، يبقى لازم يكون لأجل نفسك وكرامتك، مش علشان حد تاني.

اختاري تطلعي علشان تعيشي، مش علشان تهربي لحضن تاني هيبقى نار بعدين.

كل حاجة وليها وقتها، وكل خطوة ليها تمن.

خدي قرارك بعقلك… وخلي أولادك دايمًا في الصورة، لأن هما مش زنّبهم يعيشوا بين نارين.

ربنا يكتبلك الخير… ولو قلبك موجوع، خليه دايمًا في حضن ربنا، مش في حضن غلط