“كسوفها كتمها وقت العلاقة… وجوزها بيدوّر على الكلام ده برا!”
واحدة متجوزة من فترة مش كبيرة بعتت وقالت:
“جوزي بيحب العلاقة جدًا، وبيحب يسمع كلام أثناءها.
أنا بحاول أرضيه في كل حاجة… لبسي، شكلي، أكلي، وكل اللي بيطلبه في العلاقة.
بس وقت الكلام… لساني بيتشل!
حاولت كذا مرة، بس مفيش فايدة.
هو قالي جربي، وأنا حاولت… بس مش قادرة أكسر الكسوف.
اللي مضايقني إنه بقى يسمع حاجات من برّا، فيها النوع ده من الكلام.
ولما واجهته، قالي: علشان إنتي مش بتعرفي تعملي كده.
أنا مش عايزاه ياخد الحاجة دي من برّا… ومش عارفة أتصرف إزاي؟”
رد – بحر الأسرار:
أولًا، إحساسك وخوفك على علاقتك برافو عليكي…
بس خليني أقولك حاجة مهمة: العلاقة الزوجية مش مجرد أفعال، دي كمان مشاعر وتواصل.
لو هو بيحب يسمع كلام أثناء العلاقة، مش معنى كده إنك تتخلّي عن خجلك بالعافية،
بس ممكن تكسري الكسوف ده واحدة واحدة… بصوت واطي، بكلمة بسيطة، بحركة فيها مشاعر.
مش لازم تقولي اللي بيسمعه برا!
لكن قولي اللي يطلع من جواكي، حتى لو بكلمة “بحبك” أو “وحشتني”، ده كفاية أوي بالنسباله لو فيه حب.
خوفك إنه يسمع ده من برّا مبرر،
بس بدل ما تحاربي ده بالخوف، حاربيه بالتدرج… بالتفاهم… وبذكائك.
جوزك أكيد بيحبك، ووجودك بالنسباله أهم من أي حاجة،
بس العلاقة محتاجة مشاركة، حتى لو بالكلمة الحلوة
المشكله كبيره بس اللي عجبني الرد جدااااا رائع والله كالعاده
ردحذفيسلم زوقك وردك حرفيا
ردحذف