بابا مش قادر يسامحني… وأنا لسه صغيرة وغلّطت!
المشكلة كما وردت (من بنت صغيرة في السن):
أنا لسه صغيرة، وغلّطت إني كلمت ولد من ورا بابا…
بابا عرف، وزعل جدًا، ومن وقتها مش عارف يسامحني ولا يبصلي زي زمان.
أنا ندمانة وبجد حاسة بالذنب، ومش عارفة أرجّع ثقته فيا تاني.
أنا مكنتش فاهمة ولا مستوعبة إن اللي بعمله ده هيجرح قلبه كده.
أنا مش بنت وحشة، بس غلطت… ومش عارفة أخرج من اللي أنا فيه.
أعمل إيه علشان بابا يسامحني؟؟
رد بحر الأسرار:
يا قلب أبوها…
بابا زعلان مش لأنه بيكرهك، لكن لأنه خايف عليكي أكتر ما كنتي متخيلة.
الزعل ده وجع على إنك خرجتي من حضنه شوية… مش غضب دائم.
بس بيننا؟ بابا من جواه بيحبك زي أول يوم شالك فيه على إيده… ومستني منك خطوة.
الحل – خطوة بخطوة ترجع قلب أبوكي ليكي:
- اكتبي له جواب بخط إيدك.
مش على الواتس… ورقة فيها اعتذار بسيط من قلبك، وقولي له: “أنا غلطت، بس والله بحبك وعايزة ترجع تبصلي زي زمان.” - خلي مامتك أو حد قريب ليه يساعدك توصليله الرسالة.
خليه يسمع صوت ندمك، مش بس يشوفه. - ابعدي تمامًا عن أي ولد أو علاقة في الوقت ده.
مش علشان بس تراضيه… علشان نفسك، وعلشان ما ترجعيش تحسي بالذنب ده تاني. - اعملي حاجة تفرّحه بيكي من غير كلام.
ساعديه، قدّريه، قربي منه… حتى لو لسه مش بيضحكلك. - اصبري… وغلطتك دي هتبقى سبب يقوي علاقتكم مش يكسرها.
دعاء من القلب:
اللهم ارزقها رضا أبوها، وحنانه، وغفرانه…
واجعلها بنت صالحة تفرّح قلبه، وترد له الجميل أضعاف
ربنا يراضيها ويكرمها وباباها يرضي عنها ويكرمك يارب 😍
ردحذف